Отдел научного формирования фондов ЦНБ НАН Беларуси

Аддзел навуковага фарміравання фондаў створаны ў 1952 г.

Дзейнасць аддзела забяспечвае папаўненне і аднаўленне бібліятэчнага фонду шляхам адбору, замовы і набыцця дакументаў, якія адпавядаюць профілю камплектавання бібліятэкі, інфармацыйным патрэбам яе карыстальнікаў.

Палітыка фарміравання фондаў заснавана на разумным спалучэнні ў фондах бібліятэкі друкаваных, электронных дакументаў, навуковых інфармацыйных рэсурсаў аддаленага доступу, што дазваляе аператыўна і якасна выконваць інфармацыйныя запыты карыстальнікаў.

Асноўныя напрамкі дзейнасці:

навукова абаснаванае, бягучае і рэтраспектыўнае камплектаванне фондаў бібліятэкі айчыннымі і замежнымі дакументамі, на розных носьбітах інфармацыі з улікам іх інфармацыйнай і навуковай каштоўнасці, відавога, моўнага і храналагічнага дыяпазону. Адбор дакументаў у працэссе камплектавання ажыццяўляецца на падставе прыярытэтаў, звязаных перадусім з навіной, арыгінальнасцю кантэнту і аператыўнасцю паступлення інфармацыі;
падпіска на айчынныя і замежныя прыядычныя выданні для ўсіх падраздзяленняў бібліятэкі;
арганізацыя доступу да аддаленых электронных інфармацыйных рэсурсаў;
вывучэнне, выяўленне інфармацыйных патрэб і запытаў карыстальнікаў для рацыянальнага камплектавання фонду бібліятэкі. Вывучэнне інфармацыйнага рынку выдавецкай прадукцыі, падтрымка шырокай сеткі кантактаў з выдавецкім асяроддзем, якое выпускае дакументы ў традыцыйнай або электроннай форме;
аператыўны ўлік і размеркаванне дакументаў, якія паступілі, па структурных падраздзяленнях бібліятэкі, улік выключаных з фонду дакументаў, вядзенне статыстыкі руху фондаў;
арганізацыя абменнага фонду бібліятэкі, яго рацыянальнае выкарыстанне пры ажыццяўленні міжнаронага дакументаабмена, а таксама ўнутрырэспубліканскага абмену і пераразмеркавання дублетных і няпрофільных выданняў;
вядзенне мэтавага абмену з навуковымі ўстановамі, бібліятэкамі далёкага і блізкага замежжа;
ажыццяўленне паштовых аперацый па адпраўцы пасылак, бандэролей, лістоў.

Навуковая і метадычная работа:

маніторынг і даследаванне эфектыўнасці крыніц камплектавання бібліятэкі, тэндэнцый у змяненні профілю камплектавання;
у адпаведнасці са зменамі, што адбываюцца ў палітычным і сацыяльна-эканамічным жыцці грамадства, навуковай дзейнасці Рэспублікі Беларусь, удасканаленнем крыніц камплектавання, выкарыстаннем новых тэхналогій ажыццяўляе распрацоўку новага “Профілю камплектавання фондаў ЦНБ НАН Беларусі”;
вывучэнне, аналіз стану развіцця навукі ў Рэспубліцы Беларусь, асобных яе галін, эфектыўнасці працы навуковых калектываў і асобных вучоных з выкарыстаннем бібліяметрычных метадаў і сусветных навуковых інфармацыйных масіваў;
маніторынг і штогадовае аднаўленне бібліяметрычных даных на сайце бібліятэкі ў раздзеле “Публікацыйная актыўнасць вучоных Беларусі”;
падрыхтоўка і правядзенне мерапрыемстваў для навуковай супольнасці Рэспублікі Беларусь па пытаннях інфармацыйнай падтрымкі навуковых даследаванняў (навучальныя семінары, трэнінгі з удзелам прадстаўнікоў замежных выдавецкіх кампаній);
ажыццяўляе метадычную, у тым ліку кансультацыйную, дапамогу структурным падраздзяленням бібліятэкі і бібліятэкам пры ДНУ НАН Беларусі па профілі дзейнасці аддзела.