Центральная научная библиотека имени Якуба Коласа Национальной академии наук Беларуси

Круглы стол–выстава «Нетыповы Багдановіч»

Набліжаецца юбілей Максіма Багдановіча – 130 гадоў з дня нараджэння. Прапануем адзначыць гэтую дату разам з вучонымі-літаратуразнаўцамі падчас работы круглага стала–выставы «Нетыповы Багдановіч». У ім прымуць удзел супрацоўнікі філіяла «Інстытут літаратуразнаўства імя Янкі Купалы» Цэнтра даследаванняў беларускай культуры, мовы і літаратуры НАН Беларусі і Цэнтральнай навуковай бібліятэкі імя Якуба Коласа НАН Беларусі. 


Круглы стол–выстава «Нетыповы Багдановіч» (да 130-годдзя з дня нараджэння Максіма Багдановіча)

Да мерапрыемства падрыхтавана выстава, прысвечаная жыццю і творчасці аднаго з самых знакамітых і ўлюбёных класікаў беларускай літаратуры. Яна складаецца з дзвюх частак. Экспазіцыю адной з іх – «Нязгасная зорка паэта» – складаюць прыжыццёвыя выданні і першыя публікацыі Максіма Багдановіча, уключаючы публіцыстыку. Літаратурная спадчына паэта ў сучасных перавыданнях, даследаванні творчасці і біяграфіі, пераклады твораў на іншыя мовы прадстаўлены ў раздзеле «Я не самотны, я кнігу маю...».

У адкрыцці выставы возьмуць удзел дырэктар Цэнтральнай навуковай бібліятэкі імя Якуба Коласа НАН Беларусі Аляксандр Іванавіч Груша і дырэктар філіяла «Інстытут літаратуразнаўства імя Янкі Купалы» Цэнтра даследаванняў беларускай культуры, мовы і літаратуры НАН Беларусі Іван Васільевіч Саверчанка.

Праграма выступленняў: 

  1. Мацюхіна Таццяна Барысаўна,  кандыдат філалагічных  навук, лаўрэат Нацыянальнай літаратурнай прэміі ў намінацыі «Крытыка і літаратуразнаўства». Стыпендыят Прэзідэнта Рэспублікі Беларусь таленавітым маладым вучоным. 
    Тэма: «Максім Багдановіч-інтэлігент як выразнік дум беларускага народа ў святле крытыкі».
  2. Якавенка Наталля Васільеўна, доктар філалагічных навук, супрацоўнік аддзела ўзаемасувязяў літаратуры. 
    Тэма: «“Апокрыф” Максіма Багдановіча і яго пераклады».
  3. Смірнова Ірына Ўладзіславаўна, вядучы бібліятэкар сектара навукова-метадычнага забеспячэння работы бібліятэкі пры арганізацыях НАН Беларусі навукова-даследчага аддзелу бібліятэказнаўства.
    Тэма: «Рукапісы і дакументы, звязаныя з жыццём і дзейнасцю М. Багдановіча, перададзеныя ў Інстытут літаратуры імя Я. Купалы».
  4. Кісліцына Ганна Мікалаеўна, доктар філалагічных навук, заг. аддзела тэорыі і гісторыі літаратуры Інстытута літаратуразнаўства імя Янкі Купалы.
    Тэма: «Творчасць Максіма Багдановіча як крыніца роздуму і натхнення М. Стральцова і А. Разанава».
  5. Карп Алена Аляксандраўна, навуковы супрацоўнік аддзела тэорыі і гісторыі літаратуры Інстытута літаратуразнаўства імя Янкі Купалы. 
    Тэма: «Максім Багдановіч як літаратурны аглядальнік».

Дата і час правядзення: 9 снежня, 15:00
Па адрасе: Мінск, вул. Сурганава, 15, інфармацыйна-выставачны цэнтр ЦНБ НАН Беларусі

Запрашаем да ўдзелу круглага стала–выставы ўсіх зацікаўленых! 

Уваход вольны.

Кантакты:
+ 375 29 6 528 038 Вольга Панасіна, ЦНБ НАН Беларусі
+ 375 29 680 67 12 Ганна Кісліцына, Інстытут літаратуразнаўства імя Янкі Купалы