«Лёсы старадрукаў»
Шмат кніжных скарбаў захоўваецца ў Цэнтральнай навуковай бібліятэцы імя Якуба Коласа Нацыянальнай акадэміі навук Беларусі. Супрацоўнікі аддзела рэдкіх кніг і рукапісаў карпатліва даследуюць кожны асобнік старадрукаванай кнігі. Пра багацці кніжніцы рэгулярна расказваюць падчас выставак і прэзентацый, якія праводзяцца ў акадэмічнай бібліятэцы і па-за яе межамі.
Дзякуючы супрацоўніцтву бібліятэкі з газетай «Літаратура і мастацтва», у ёй з’явілася рубрыка «Лёсы старадрукаў», праз якую чытачы могуць даведацца пра самае цікавае з «жыцця» старажытных і рэдкіх кніг, што атрымалася высветліць падчас вывучэння асобнікаў: пра іх стваральнікаў, ўладальнікаў і чытачоў, пра падзеі, сведкамі якіх былі кнігі. Ілюстрацыі, якія суправаджаюць тэкст публікацый, робяць інфармацыю больш нагляднай.
Праект быў распачаты ў 2016 г. У аддзеле рэдкіх кніг і рукапісаў працягваецца даследаванне кніжных помнікаў. Вынікамі гэтай працы, цікавымі фактамі і іншай пазнавальнай інфармацыяй супрацоўнікі аддзела і надалей плануюць дзяліцца з чытачамі газеты.
Публікацыі праекту
-
Цітавец А. І. Сакрэты 440-гадовага Псалтыра // Літаратура і мастацтва. — 29 ліпеня 2016 г. — С. 11
-
Скурко П. Д. Пазнакі на палях // Літаратура і мастацтва. — 19 жніўня 2016 г. — С. 7
-
Цітавец А. І. Падман выдаўцоў // Літаратура і мастацтва. — 18 лістапада 2016 г. — С. 10.
-
Губанава В. А. Гартаем каляндар // Літаратура і Мастацтва. — 16 снежня 2016 г. — С. 10.
-
Навуменка В. Г. З часоў Петра Вялiкага // Літаратура і мастацтва. — 16 снежня 2016 г. — С. 10.
-
Губанава В. Загадкавы ўладальнік Трыёдзі // Літаратура і мастацтва. — 16 червеня 2017 г. — С. 11.
-
Цітавец, А. Заблытанымі сцежкамі... // Літаратура і мастацтва. — 27 кастрычніка 2017 г. — С. 10.
-
Цітавец, А. «Хвастатыя» літары // Літаратура і мастацтва. — 26 студзеня 2018 г. — С. 10. Артыкул быў апублікаваны з памылковымі ілюстрацыяй і подпісам, на сайце ЦНБ НАН Беларусі правільная версія
-
Цітавец, А. Цені былых уладальнікаў // Літаратура і мастацтва. — 23 лістапада 2018 г. — С. 11.
-
Дзенісенка, Алена. Ад песень ліцвінаў // Літаратура і мастацтва. - 3 мая 2019 г. - С. 10.
