НАН Беларусі ў СМІ

Заўсёды багатая на цікавыя сустрэчы і прэзентацыі прадстаўнічая Мінская міжнародная кніжная выстаўка-кірмаш «Кнігі Беларусі», адкрыццё якой сёлета адбудзецца 6 лютага ў Нацыянальным выставачным цэнтры «БелЭКСПА». Шырока будуць экспанаваць на форуме кнігі «Беларускай навукі», прысвечаныя пытанням айчыннай гісторыі ды культуры.

Можна толькі здагадвацца, колькі археалагічных артэфактаў, а дзякуючы ім і нечаканых адкрыццяў, было выяўлена на тэрыторыі Беларусі цягам апошніх ста гадоў. Відавочна, што гэты скарб складаецца не з аднаго дзясятка тысяч прадметаў даўніны. Спробу сабраць і прааналізаваць археалагічную спадчыну зрабіла ў аднайменнай кнізе, што пабачыла свет у выдавецтве “Беларуская навука”, доктар гістарычных навук, кіраўнік Цэнтра даіндустрыйнага грамадства Інстытута гісторыі Нацыянальнай акадэміі навук Беларусі Вольга Ляўко.

Штогод у рамках Еўрапейскіх дзён спадчыны ў розных рэгіёнах Беларусі праходзіць шэраг мерапрыемстваў, прэс-канферэнцый, "круглых сталоў", творчых сустрэч, скіраваных на абуджэнне цікавасці да помнікаў прыроды і культуры.

Адным з самых значных даследчыкаў культуры мінулых эпох па праве лічыцца доктар філалагічных навук, супрацоўнік Інбелкульта Адам Мальдзіс, які днямі адзначыў 80-гадовы юбілей.