Загадчык аддзела рэдкіх кніг і рукапісаў Аляксандр Віктаравіч Сцефановіч указам Прэзідэнта Рэспублікі Беларусь узнагароджаны медалём Францыска Скарыны за значны ўклад у вывучэнне кніжнай культуры Беларусі, развіццё духоўнага патэнцыяла, захаванне і памнажэнне гісторыка-культурнай спадчыны беларускага народа, шматгадовую плённую навуковую і арганізацыйную дзейнасць.

Аляксандр Віктаравіч – выдатны беларускі даследчык-кнігазнавец, які працуе ў Цэнтральнай навуковай бібліятэцы ўжо больш за 30 гадоў. Ён актыўны ўдзельнік міжнародных культурных праектаў, стваральнік канцэпцыі каталогаў старадрукаванных выданняў і натхняльнік серыі «Бібліятэка Радзівілаў Нясвіжскай ардынацыі».

Калектыў бібліятэкі сардэчна віншуе Аляксандра Віктаравіча з заслужанай узнагародай і зычыць доўгай, плённай і ўдзячнай працы на ніве кнігазнаўства.