Рэспубліканская дыктоўка па беларускай мове

20 лютага ў Мінску адбудзецца Рэспубліканская дыктоўка, прымеркаваная да Міжнароднага дня роднай мовы. Галоўнай пляцоўкай мерапрыемства стане Цэнтральная навуковая бібліятэка імя Якуба Коласа НАН Беларусі.

Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі, ЦНБ НАН Беларусі і радыё «Культура» — запрашаюць усіх жадаючых далучыцца да напісання дыктоўкі.

Трансляцыя будзе даступная ў эфіры канала «Культура» (102.9 FM), на сайце www.radiokultura.by, на юцюб-канале Інстытута мовазнаўства імя Якуба Коласа https://youtube.com/@yakub-kolas-institute, у нацыянальным радыёплэеры radioplayer.by, а таксама праз разумную калонку з Алісай.