НАН Беларуси в СМИ

Фестываль рэлакс-вечарын MuzzicLETO: у розныя дні ў Батанічным садзе Нацыянальнай акадэміі навук Беларусі выконваюць то фламенка, то джаз, то Бетховена, а то вось — калі ласка, паказалі нацыянальную оперу ХІХ стагоддзя.У той дзень там жа была і лекцыя пра Манюшку, з якой выступіў мастацкі кіраўнік “Беларускай капэлы”, заслужаны артыст нашай краіны, прафесар Віктар Скарабагатаў. Але я, наўмысна “выключыўшыся” на час іспытаў ад сацыяльных сетак ды іншых інтэрнет-спакусаў, пра тое не ведаў, выпадкова патрапіўшы акурат на оперу. Ці ўсё ж невыпадкова? Асабіста для мяне оперны спектакль, зладжаны наўпрост “на палянцы”, быў у навінку. А тут — без усялякага подыуму, на зялёнай траўцы. Без звыклага тэатральнага антуражу і старадаўніх строяў, якія са сцэны выглядаюць багата, а зблізку часта страчваюць увесь свой бляск.