НАН Беларуси в СМИ

Знак якасцi прапiсаўся на Мiнскiм аўтамабiльным заводзе з 1971 года — тады высокую адзнаку атрымаў мадэрнiзаваны бартавы буйнатанажны грузавiк МАЗ—500А. У наступныя гады Дзяржаўным знакам якасцi СССР былi адзначаны 17 мадэляў тэхнiкi МАЗ. Шмат ідэй было рэалiзавана МАЗам сумесна з Аб’яднаным iнстытутам машынабудавання НАН Беларусi.

Больш як год таму Старшыня Прэзідыума НАН беларусі Уладзімір ГУСАКОЎ ініцыіраваў арганізаваць у Нацыянальнай акадэміі навук Цэнтр энцыклапедычных выданняў (ЦЭВ), задача якога — стварэнне мультымедыйных анлайн-рэсурсаў і рэдакцыйна-выдавецкая дзейнасць. Падрыхтоўка анлайн-версіі энцыклапедыі з’яўляецца непазбежным этапам развіцця і сёння практычна адзіным шляхам да чытача, кажа дырэктар Цэнтральнай навуковай бібліятэкі імя Якуба Коласа НАН Беларусі Станіслаў Юрэцкі.

Аграрная галіна нашай краіны прыкметна памаладзела: кожны год у гаспадаркі прыходзяць некалькі тысяч маладых працаўнікоў. Сістэма аграрнай адукацыі таксама не стаіць на месцы, бо, каб кіраваць сучаснымі камбайнамі і беспілотнікамі, настройваць параметры ў сховішчах для агародніны і ладзіць работу малочнатаварных комплексаў, пераводзіць у лічбавы варыянт тэхналагічныя працэсы, патрэбны прафесіяналы. У БДАТУ створана 38 філіялаў кафедраў на вядучых прадпрыемствах аграпрамысловага комплексу, навукова-практычных цэнтрах НАН Беларусі. Як падрыхтаваць такіх спецыялістаў, якія метады і тэхналогіі навучання зробяць выпускнікоў ВНУ запатрабаванымі на вытворчасці? Аб гэтым і іншым размова з рэктарам Беларускага дзяржаўнага аграрнага ўніверсітэта Мікалаем Раманюком.

Якасці харчавання і асартыменту страў у школьных сталовых заўсёды надавалася вялікае значэнне. Работа па ўдасканаленні вялася пастаянна, і вянцом тых намаганняў стаў пілотны праект, які рэалізавалі ў некалькіх дзясятках школ. Яго вынікі былі настолькі ўражальнымі, што ўжо да летніх канікул па-новаму арганізавалі харчаванне больш за дзве тысячы школ краіны. Намеснік генеральнага дырэктара «НПЦ па харчаванні НАН Беларусі» Дзмітрый Зайчанка ацэньвае айчынную харчовую прадукцыю для дзяцей як высакаякасную і адпаведную патрэбам дзіцячага арганізма.

У нашы дні Беларусь захоплена космасам, а Марына Васілеўская стала Героем краіны і ў літаральным, і ў агульначалавечым сэнсе. Аднак за фасадам усеагульнага свята хаваецца хоць і больш празаічная, але не менш знамянальная падзея: сваю касмічную місію першая жанчына-касманаўт у гісторыі суверэннай Беларусі выканала. Як вядома, у праграме дванаццацідзённага палёту Васілеўскай было сем працоўных задач: два грамадска-адукацыйныя і пяць навукова-даследчых эксперыментаў. Касмічны эксперымент па даследаванні зямной паверхні, вывучэнні працэсаў і наступстваў прыродных і тэхнагенных з’яў і катастроф распрацоўвалі вучоныя БДУ і Інстытута фізікі НАН Беларусі.