НАН Беларуси в СМИ

Пісьменнікі Якуб Колас і Янка Маўр некалі парадніліся дзякуючы сваім дзецям. Родзічы пісьменнікаў былі нядаўна ганаровымі гасцямі ў Інстытуце культуры Беларусі. Родны дзядзька унучкі Якуба Коласа Марыі Міхайлаўны, сын Янкі Маўра, вядомая асоба: фізік Фёдар Іванавіч Фёдараў, акадэмік Акадэміі навук Беларусі.

Нядаўна ў Нацыянальнай бібліятэцы прэзентаваліся выданні польскага і беларускага гісторыка, прафесара Беластоцкага ўніверсітэта Антона Мірановіча. На імпрэзу сабраліся прадстаўнікі беларускай навукі, грамадскія дзеячы, замежныя спецыялісты. Пра захаванне і пашырэнне беларускай культуры ў замежжы гаварыў і намеснік дырэктара па навуковай рабоце Інстытута мовы і літаратуры імя Якуба Коласа і Янкі Купалы НАН Беларусі Сяргей Гаранін.

Пад час літаратурна-асветніцкага праекта «Народны настаўнік», што ладзіўся да 130-х угодкаў Якуба Коласа, у Нацыянальнай бібліятэцы Беларусі прэзентаваўся новы Збор твораў класіка. Над тым, які ўплыў на сучаснасць робіць творчая спадчына Песняра, разважалі дырэктар Інстытута мовы і літаратуры імя Якуба Коласа і Янкі Купалы, доктар філалагічных навук Аляксандр Лукашанец, супрацоўніца інстытута, кандыдат філалагічных навук Тэрэза Голуб, праўнучка пісьменніка, галоўны захавальнік фондаў Дзяржаўнага літаратурна-мемарыяльнага музея Якуба Коласа Васіліна Міцкевіч.