НАН Беларуси в СМИ

Раман "Птушкі і гнёзды", дакументальная кніга "Я з вогненнай вёскі", аповесць Memento mori, апавяданні, мініяцюры, эсэ... Мову твораў Янкі Брыля не зблытаць ні з якой іншай. Ці памятаюць Брыля ў родным Загор’і? Здавалася, што вяскоўцаў-старажылаў, якія б ведалі і маглі ўспомніць пра класіка, знайсці не ўдасца. Аднак дапамог у гэтым акадэмік Нацыянальнай акадэміі навук Беларусі Мікалай Ламан.

“Дыпламаваны баран” і “Хто смяецца апошнім”. Толькі за гэтыя творы Кандрату Крапіве было наканавана назаўжды застацца ў залатым фондзе беларускай літаратуры. А многія слоўнікі, якімі мы карыстаемся сёння, выходзілі пад рэдакцыяй Кандрата Крапівы. 120-гадовы юбілею знакамітага байкапісца адзначаўся 5 сакавіка па ўсёй Беларусі: і на малой радзіме пісьменніка, і ў Нацыянальнай акадэміі наук Беларусі.

Больш за паўтысячы гасцей з 35 краін міра павязуць на радзімы свае ўраджанні пра Беларусь. Сёння ў Мінску завяршаецца XV міжнародны з´езд славістаў. Падчас форуму ўдзельнікі паспелі наведаць і Нацыянальную акадэмію навук Беларусі. «Значэнне такіх з´ездаў не памяншаецца і зараз, калі асаблівую актуальнасць набываюць праблемы захавання, падтрымкі і развіцця нацыянальных моў і культур. Па ацэнцы ЮНЕСКА, з шасці тысяч моў свету прыкладна палова могуць у бліжэйшы час знікнуць назаўсёды. Мы не павінны дапусціць, каб гэта адбылося ў славянскім свеце», — падзяліўся меркаваннем з гасцямі з´езда ў Акадэміі навук намеснік старшыні Прэзідыума НАН Беларусі Уладзімір Гусакоў.

Учора ў Мінску адкрыўся XV міжнародны з´езд славістаў.Беларусь гасцінна прымае больш за паўтысячы вучоных-славістаў з 35 краін свету. «З´езд славістаў — знакавая падзея для Беларусі. Да яе ў нашай рэспубліцы дбайна рыхтаваліся, — сказаў на адкрыцці кангрэсу старшыня аргкамітэта форуму, намеснік старшыні прэзідыуму Нацыянальнай акадэміі навук Беларусі Уладзімір Гусакоў. — Правядзенне з´езда славістаў у нашай краіне можна расцэньваць як прызнанне высокага ўзроўню развіцця айчыннай нацыянальнай славістыкі, ролі беларускай мовы і літаратуры ў славянскай культуры».

Заўтра ў Мінску стартуе Міжнародны з´езд славістаў. Гэты аўтарытэтны форум Беларусь прымае ў першы раз. А сам з´езд ладзіцца з 1929 года кожныя пяць гадоў у розных славянскіх краінах. У працы форуму прымуць удзел больш за 600 вучоных з 35 краін свету. Прычым прадстаўлены будуць на з´ездзе і эксперты з неславянскага свету — Японіі, Швейцарыі, Канады, Ізраіля, Бельгіі. Гэта зроблена, каб акцэнтаваць увагу на праблему ідэнтычнасці народаў у межах глабалізацыі, паведаміў карэспандэнту «БН» старшыня Міжнароднага і Беларускага камітэтаў славістаў, член-карэспандэнт Нацыянальнай акадэміі навук Беларусі Александр Лукашанец.

Урачыстае адкрыццё ХІХ Міжнароднага тэлефестывалю "Аграсвет-2012", адбудзецца 30 верасня ў Палацы культуры Беларускай дзяржаўнай сельскагаспадарчай акадэміі ў Горках. Тэлевізіёншчыкі з дванаццаці краін свету будуць вандраваць па лепшых гаспадарках, новенькіх аграгарадках і звычайных беларускіх вёсачках Магілёўшчыны і Віцебшчыны. Гасцей таксама чакае і насычаная культурная праграма: падчас фестывалю "Аграсвет" пройдзе і творчы конкурс тэлепраграм на сельскую тэматыку. Міжнароднае журы конкурсу ўзначальвае першы намеснік генеральнага дырэктара НПЦ земляробства Нацыянальнай акадэміі навук Беларусі, доктар сельскагаспадарчых навук, прафесар Міхаіл Кадыраў.

Ці збываюцца навагоднія вяшчунствы? Якія дні найбольш паспяховыя для калядных варожбаў? І што за стравы павінны быць на святочным стале беларусаў? На пытанні чытачоў «БН» адкажа доктар філалагічных навук загадчык аддзела фалькларыстыкі Цэнтра даследаванняў беларускай культуры, мовы і літаратуры НАН Беларусі Таццяна Васільеўна Валодзіна.