НАН Беларуси в СМИ

Відавочна, што адной са складаемых частак, адным з элементаў новай канцэпцыі зялёнай эканомікі, якая сёння як ніколі актыўна прапагандуецца ў Беларусі, з’яўляецца электратранспарт. У краіне над яго стварэннем ужо не першы год працуюць навукоўцы і канструктары. І пэўныя вынікі ёсць.

Відавочна, што адной са складаемых частак, адным з элементаў новай канцэпцыі зялёнай эканомікі, якая сёння як ніколі актыўна прапагандуецца ў Беларусі, з’яўляецца электратранспарт. У краіне над яго стварэннем ужо не першы год працуюць навукоўцы і канструктары. І пэўныя вынікі ёсць. Паводле слоў старшыні Прэзідыума Нацыянальнай акадэміі навук Беларусі Уладзіміра Гусакова, усе даручэнні Кіраўніка дзяржавы ў частцы развіцця электратранспарту пастаўленыя на найстражэйшы кантроль і выконваюцца без зрываў.

Тэме экалогіі ды беражлівых адносін да навакольнага асяроддзя апошнім часам у Беларусі надаецца шмат увагі. Для вырашэння гэтых надзённых пытанняў у краіне прадпрымаюцца рэальныя крокі. У студзені на выставе, прысвечанай Дню навукі, быў прадстаўлены айчынны электрамабіль, распрацаваны спецыялістамі Аб’яднанага інстытута машынабудавання НАН Беларусі.

На думку Прэзідэнта, важна давесці перспектыўныя распрацоўкі па рабоце з маладым пакаленнем да ўкаранення, накіраваўшы на гэтыя мэты рэсурсы Акадэміі навук. Кіраўнік дзяржавы даручыў НАН Беларусі і Ураду вылучыць з дзясятак самых перспектыўных ідэй у гэтым напрамку, якія можна пачаць рэалізоўваць у самы блізкі час.