Центральная научная библиотека имени Якуба Коласа Национальной академии наук Беларуси

Навигация по сайту

Выстава да 110-годдзя з дня нараджэння Янкі Казекі

У чытальнай зале рэдкіх кніг і рукапісаў арганізавана выстава, прысвечаная 110-годдзю з дня нараджэння беларускага крытыка, літаратуразнаўцы, заслужанага работніка культуры Беларусі, лаўрэата Дзяржаўнай прэміі Рэспублікі Беларусі Янкі Казекі (1915–2000).

На экспазіцыі прадстаўлены матэрыялы з яго асабістага архіва, што захоўваецца ў рукапісным фондзе Цэнтральнай навуковай бібліятэкі НАН Беларусі.

Адкрываюць выставу дакументы біяграфічнага характару, сярод якіх матэрыялы, што датычацца перыяду навучання Янкі Казекі ў Мінскім дзяржаўным педагагічным інстытуце, дакументы часоў Вялікай Айчыннай вайны і знаходжання на вайсковай службе ў Германіі ў першыя пасляваенныя гады, у тым ліку пасведчанні, даведкі, ордэнскія кніжкі. 

Увазе наведвальнікаў прапануюцца творчыя матэрыялы літаратуразнаўцы: манаграфіі, літаратурна-крытычныя артыкулы, успаміны. Вынікі творчай дзейнасці Янкі Казекі прадстаўлены ў апублікаваных зборніках літаратурна-крытычных артыкулаў “З невычэрпных крыніц”, “Натхненне і майстэрства”, “Няходжанай дарогай”, “Голас часу”, “Падарожжа ў маладосць”, “Гартаванне слова: Выбранае”, у манаграфіі “Беларуская байка”, крытыка-біяграфічным нарысе “Кандрат Крапіва”.

У экспазіцыі дэманструюцца дакументы, што адлюстроўваюць працу Янкі Казекі на пасадзе намесніка галоўнага рэдактара ў Галоўнай рэдакцыі Беларускай Савецкай Энцыклапедыі, у Саюзе беларускіх пісьменнікаў (даведкі, пасведчанні, мандаты).

Завяршае юбілейную выставу раздзел, у якім прадстаўлены ўзоры перапіскі Янкі Казекі з беларускімі пісьменнікамі Я. Брылём, І. Мележам, І. Шамякіным, М. Танкам, С. Грахоўскім.

Разнастайныя дакументальныя сведчанні, прадэманстраваныя на выставе, дапаўняюць фотаздымкі розных гадоў з архіва Янкі Казекі, у тым ліку з сябрамі падчас вучобы ў Мінскім педагагічным інстытуце, у час ваенных выпрабаванняў, з пісьменнікамі і супрацоўнікамі рэдакцыі Беларускай Савецкай Энцыклапедыі і інш.

Інфармацыя падрыхтавана навуковым супрацоўнікам аддзела даследавання рукапісаў Т.І. Жук

×
Войти в личный кабинет
Адрес электронной почты *
Пароль *
Потеряли пароль?
×
Логин *
E-mail *
Пароль *
Повторите пароль *
×
Генерация пароля
Введите адрес электронной почты и мы вышлем вам ссылку для сброса пароля