Кнігі з фонду ЦНБ НАН Беларусі дэманстраваліся ў Дзяржаўным літаратурна-мемарыяльным музеі Якуба Коласа падчас творчага вечара Навума Гальпяровіча, паэта, пісьменніка, публіцыста, журналіста.

25 студзеня 2018 г. у Дзяржаўным літаратурна-мемарыяльным музеі Якуба Коласа адбыўся творчы вечар вядомага паэта, публіцыста, журналіста Навума Гальпяровіча « На шляху да сябе…».

Навум Гяльпяровіч з'яўляецца аўтарам паэтычных зборнікаў: «Сцяжына», «Брама », «Востраў душы», «Струна», «Святло ў акне», «Гэта ўсё для цябе», «Голас і рэха». На выставе дэманстраваліся кнігі эсэ, навел, публіцыстыкі («Шляхі і вяртанні», «На трапяткім агні»), а таксама пераклады Н. Гальпяровіча з албанскай, азербайджанскай, кітайскай моў на беларускую.

Сярод экспанатаў кніжнай выставы былі і выданні, прысвечаныя гарадам і гістарычным мясцінам Беларусі, якія выйшлі ў свет пры ўдзеле Н. Гальпяровіча: «Полацк – бацька гарадоў беларускіх», «Мінск – сталіца Беларусі», «Віцебск – горад майстроў і мастакоў», «Гродна. На мяжы Айчыны».

Кніжныя выданні Н. Гальпяровіча ў фондзе ЦНБ НАН Беларусі