НАН Беларуси в СМИ

Удзельнікі канферэнцыі "Дружалюбная школа для стабільнай будучыні" разважалі аб медыяцыі ў адукацыі, як аб эффектыкным шляхе вырашыць канфлікты паміж навучэнцамі.

Летняя школа "Першыя крокі ў навуку" арганізавана сумесна з Саветам маладых вучоных Нацыянальнай акадэміі навук Беларусі. Ужо не першы год яна дае магчымасць школьнікам на працягу двух тыдняў стаць удзельнікамі адукацыйных семінараў, наведаць музеі і інстытуты Нацыянальнай акадэміі навук, сустрэцца с завукоўцамі-даследчыкамі і г.д. Адным з самых каштоўных кірункаў работы гэтага летняга праекта стала знаёмства старшакласнікаў з лабараторыямі і цэнтрамі, дзе сёння кіпіць навуковае жыццё краіны. Яны змаглі зазірнуць у Нацыянальны гербарый, азнаёміцца з лабараторыямі металафізікі і радыетамаграфіі Інстытута прыкладной фізікі НАН Беларусі, археалагічным музеем Інстытута гісторыі НАН Беларусі. Завяршыла работу праекта канферэнцыя навукоўцаў летняй школы “Першыя крокі ў навуку – 2013”.

Днямі ў рэспубліканскім эколага-біялагічным цэнтры прайшла рэспубліканская навукова-практычная канферэнцыя «Фарміраванне экалагічнай культуры асобы як педагагічнае ўзаемадзеянне: вопыт і перспектывы развіцця». Надзвычай актуальную тэму ўзняла на канферэнцыі Таццяна Віктараўна Мішатткіна, доктар філасофскіх навук і прафесар Міжнароднага дзяржаўнага экалагічнага ўніверсітэта імя А.Д. Сахарава. Яе выступленне было прысвечана нанасвету і экалогіі чалавека. У якасці аднаго з прыкладаў Таццяна Віктараўна прывяла распрацоўкі Інстытута генетыкі і цыталогіі Нацыянальнай акадэміі навук Беларусі, дзе ажыццяўляецца «фарміраванне» людзей з выключна высокімі спартыўнымі магчымасцямі.

Аспірант і старшыня Савета маладых вучоных Нацыянальнай акадэміі навук Беларусі Уладзімір Казбанаў распавядае пра станаўленне сваёй навуковай кар’еры. Памятаючы, наколькі важныя першыя крокі ў навуку, Уладзімір сам актыўна працуе з падлеткамі ў Мінскім дзяржаўным палацы дзяцей і моладзі.