НАН Беларуси в СМИ

У беларускіх лясах — грыбны бум. Каб у гэтым пераканацца, дастаткова выехаць за межы любога горада. Здавалася б, такое грыбное багацце павінна адразу ж адбіцца на меню нашых сталовак, кафэ і рэстаранаў. Але стравы з ляснымі далікатэсамі можна пакаштаваць далёка не ўсюды. Све меркаванне выказвае і Таццяна Майсеева, навуковы супрацоўнік Інстытута лесу Нацыянальнай акадэміі навук Беларусі.

У гэтыя жнівеньскія дні кухні большасці гаспадынь нагадваюць кансервавыя заводы ў мініяцюры. Каб і зімой было чым парадаваць блізкіх, марынуюць агурочкі і памідоры, закручваюць кампоты, вараць духмянае варэнне, прастойваючы ля пліты не адну гадзіну. Калісьці такія старанні былі апраўданыя. Але ці варта сёння расходаваць сілы і сродкі, марнаваць час на прыгатаванне далікатэсаў, калі такія прадукты можна набыць у бліжэйшым прадмагу? Да таго ж, займаючыся нарыхтоўкай кансерваваных гародніны або садавіны дома, трэба браць на сябе немалую адказнасць. Бо вы маеце справу з сапраўдным тэхналагічным працэсам, нагадвае Дзіяна Сафронава, намеснік начальніка аддзела тэхналогій кансервавання харчовых прадуктаў Навукова-практычнага цэнтра НАН Беларусі па харчаванню.