НАН Беларуси в СМИ

Гэта разумны і моцны чалавек, які змог падняць найбуйнейшае прадпрыемства краіны ў самыя цяжкія часы - на пачатку незалежнасці. Герой Беларусі, доктар тэхнічных навук, дырэктар навукова-практычнага цэнтра "Кар'ерная тэхніка" дзяржаўнай навуковай установы "Аб'яднаны інстытут машынабудавання Нацыянальнай акадэміі навук Беларусі" Павел Марыеў распавядае аб гісторыі Беларускага аўтамабільнага завода, краіны і свайго жыцця.

Сёлета ў 20-ы раз найлепшых з прадпрымальнікаў і кіраўнікоў выбраў рэдакцыйны савет часопіса «Дело (Восток + Запад)». Старшыня грамадскага рэдсавета часопіса «Дело», акадэмік, дарадца Прэзідыума НАН Беларусі Пётр Нікіценка падкрэслівае, што лаўрэаты — гэта прагрэсіўныя, валявыя асобы.

Парламенцкая дэлегацыя Казахстана знаходзіцца з візітам у Беларусі з 9 па 13 ліпеня. Парламентарыі наведаюць Мінскую агароднінную фабрыку, Мінскі трактарны завод і Навукова-практычны цэнтр НАН Беларусі па земляробстве.

Дырэктар Інстытута эканомікі НАН Беларусі доктар эканамічных навук, прафесар Аляксей Дайнека падкрэсліў, што 30-працэнтны збор — часовы захад у эканоміцы, выкліканы рэзкім адтокам валюты з рэспублікі. Аляксандр Лучанок, загадчык аддзела Інстытута эканомікі НАН Беларусі, доктар эканамічных навук, прафесар, лічыць, што новаўвядзенне з 30-працэнтным зборам не павіннана насіць доўгачасовы характар.

Сёлета ў лiпенi-жнiўнi Iнстытут сацыялогii Нацыянальнай акадэмii навук Беларусi правёў апытанне беларускiх грамадзян па тэме: «Фiнансавая адукаванасць насельнiцтва Рэспублiкi Беларусь». Гэтае даследаванне стала магчымым у межах праекта кампанii VISA, Нацыянальнага банка i агенцтва USAID.

Кіраўніцтва нашай краіны пастаянна заяўляе аб патрэбе ў інавацыях. Для гэтага нават спецыяльныя дзяржаўныя праграмы ствараюцца. І які вынік? Што датычыцца новай праграмы інавацыйнага развіцця на 2011-2015 гады, намеснік старшыні Прэзідыума НАН Беларусі Сяргей Чыжык заявіў, што яе праекты «будуць заўважаны ў эканоміцы. Яны прынясуць дадатковыя валютныя паступленні ў краіну».

Пакуль беларусы па ўсёй краіне выбіралі новы парламент, журналісты і эксперты разважалі пра сацыялагічнае суправаджэнне выбарчай кампаніі і адказнасць сацыёлагаў перад грамадствам. Ігар Катляроў, дырэктар Інстытута сацыялогіі Нацыянальнай акадэміі навук, паведаміў, што напрыканцы ліпеня — на пачатку жніўня спецыяльна да парламенцкіх выбараў было праведзена вялікае даследаванне. Па выніках можна вылучыць тры блокі праблем: яўка на выбарчыя ўчасткі, уплыў сацыяльна-палітычнай сітуацыі ў краіне на выбарчую кампанію і палітычныя партыі.