НАН Беларуси в СМИ

Шмат разоў, збочыўшы з брэсцкай трасы, праязджаючы ад Міра да Карэліч, і добра ведаючы гэты адрас, царкву на могілках каля вёскі Загор'е выхопліваеш літаральна за лічаныя секунды. Такое самае ўражанне, такая ж сустрэча вокамгненнага характару складваецца і на зваротнай дарозе — калі вяртаешся з Карэліч... Тут трэба спыняцца на якую гадзіну-другую, каб як след агледзець гэтую мясціну і паспрабаваць пачуць подых часін, дакрануцца да розных стагоддзяў, задумацца пра чалавека ў прасторы вечнасці, паразважаць пра трывогі і сумненні хуткаплыннага жыцця, якое для кожнага з нас было і застанецца ў выпрабаваннях і веры...

Укладзены Міколам Мікулічам зборнік «Уладзімір Гніламёдаў: «Заставацца сабою…» паяднаў артыкулы і рэцэнзіі, прысвечаныя творчаму і жыццёваму шляху акадэміка, літаратурнага крытыка, літаратуразнаўца, празаіка.