НАН Беларуси в СМИ

Метамарфозы з кліматам, і як вынік — знікненне тых ці іншых відаў жывёл і раслін — часцяком ідуць плячо ў плячо. Хоць чалавек не заўсёды ўсведамляе такую заканамернасць. Але падобныя змены назіраюцца ў Беларусі. Як адзначае загадчык лабараторыі прадукцыйнасці і ўстойлівасці раслінных супольнасцяў Інстытута эксперыментальнай батанікі Нацыянальнай акадэміі навук Беларусі Максім Ярмохін, устойлівае змяненне кліматычных паказчыкаў вядзе да самых сур'ёзных перамен у структуры лясоў. І чым тут можа дапамагчы, напрыклад, ПРААН?

Зубр — адзін з самых вядомых сімвалаў Беларусі. Прычым даўні. Да пачатку ХХ стагоддзя эпічнага звера ў краіне не засталося, але паспяховае адраджэнне віда зноў зрабіла яго візітнай карткай краіны. Зубр — самае буйное наземнае млекакормячае Еўропы і наш нацыянальны здабытак, кажа загадчык лабараторыі Навукова-вытворчага цэнтра Нацыянальнай акадэміі навук Беларусі па біярэсурсах Васіль Шакун. У Налібоцкай пушчы зубры жывуць на вольным выпасе.

8 чэрвеня, у Сусветны дзень акіянаў, культурна-асветніцкай установай “Цэнтр акіянаграфіі” пры падтрымцы Адміністрацыі Кастрычніцкага раёна Мінска, НАН Беларусі, Прадстаўніцтва ААН у Беларусі, Рэспубліканскага цэнтра інавацыйнай і тэхнічнай творчасці быў дадзены старт новаму адукацыйнаму праекту: мабільнаму музею-лабараторыі “Адкрыты акіян”. У 2006 годзе Беларусь далучылася і да Дагавора аб Антарктыдзе. Пра даследванні шостага кантыненту распавядае Аляксей Гайдашоў, удзельнік і кіраўнік дзевяці беларускіх антарктычных экспедыцый, намеснік начальніка Рэспубліканскага цэнтра палярных даследаванняў НАН Беларусі.

Сёлета будзе адчувацца асаблівая ўвага да навуковых дасягненняў, той вялікай ролі, якая ўскладаецца на навуковую супольнасць. Але будзе, безумоўна, весціся размова і пра важнейшыя складнікі паспяховай дзейнасці вучоных. Менавіта ў гэтым кантэксце - размова з рэктарам Інстытута падрыхтоўкі навуковых кадраў Нацыянальнай акадэміі навук Беларусі Ігарам Ганчаронкам.

Эканамічны патэнцыял беларускіх верхавых балот ацэньваецца ў сотні мільёнаў долараў. Пра гэта сведчаць дадзеныя, атрыманыя ў выніку даследавання, праведзенага Інстытутам эксперыментальнай батанікі Нацыянальнай акадэміі навук Беларусі. Намеснік дырэктара па навуковай і інавацыйнай рабоце Інстытута эксперыментальнай батанікі НАН Дзмітрый Грумо распавядае пра даследванні.

Два месяцы беларускі касмічны апарат баразніць прасторы адкрытага космасу. У Цэнтры ўпраўлення палётамі Нацыянальнай акадэміі навук за перамяшчэннямі спадарожніка сочаць кругласутачна. Маршрут яго руху выведзены на вялікі плазменны манітор.