НАН Беларуси в СМИ

Вырошчваць фундук беларускай селекцыі фермеры і аграпрамысловыя прадпрыемствы пачнуць ужо праз некалькі гадоў. Навукоўцы сцвярджаюць, што беларускія сарты фундуку не саступаюць па смаку ўкраінскім і каўказскім, але ў нашых кліматычных умовах будуць даваць большы ўраджай. Уласна кажучы, фундук нельга назваць незвычайнай для Беларусі культурай — ляшчыну можна сустрэць і ў лясах, і на прысядзібных участках. Але дзікая форма — гэта нерэгулярнае плоданашэнне, непрадказальнасць атрымання ўраджаю, а памер арэха далёка не ўражлівае, распавяла старшы навуковы супрацоўнік аддзела селекцыі пладовых культур РУП «Інстытут пладаводства» НАН Беларусі Марына Барысенка.