Семінар «Сучасныя праблемы гістарыяграфіі гісторыі Беларусі»
Дзяржаўная ўстанова «Цэнтральная навуковая бібліятэка імя Якуба Коласа Нацыянальнай акадэміі навук Беларусі» і рэдакцыя навукова-тэарэтычнага, навукова-метадычнага часопіса «Беларускі гістарычны часопіс» запрашаюць прыняць удзел у рабоце навукова-практычнага семінара «Сучасныя праблемы гістарыяграфіі гісторыі Беларусі», які адбудзецца 25 верасня 2026 г. у Цэнтральнай навуковай бібліятэцы НАН Беларусі (г. Мінск, вул. Сурганава, 15). Пачатак у 10:00.
Праблемнае поле семінара ўключае актуальныя пытанні гісторыі гістарычнай навукі Беларусі. Асноўная ўвага будзе нададзена сучаснаму стану айчыннай гістарыяграфіі гісторыі Беларусі:
- канцэпцыі гісторыі Беларусі ў айчыннай гістарыяграфіі ў канцы ХХ – пачатку ХХІ ст.;
- даследчым падыходам да асвятлення паходжання беларусаў;
- гісторыі беларускай дзяржаўнасці ў навуковай і вучэбнай літаратуры;
- гісторыі вывучэння падзей Першай сусветнай, Другой сусветнай і Вялікай Айчыннай войнаў на тэрыторыі Беларусі;
- фондам архіваў і бібліятэк Беларусі па гісторыі айчыннай гістарычнай навукі.
Шчыра запрашаем да ўдзелу!
