Ракурс 2

Скульптурная кампазіцыя “Тройка”.
Гэты падарунак Глебка атрымаў у гонар свайго 50-годдзя на сцэне Купалаўскага тэатра.

Гадзіннік з выявай Пушкіна. . Падарунак Глебку ад сям’і Сянько ў гонар шасцідзесяцігоддзя. Такі верш прысвяціў Яфрэму Сянько Пятро Фёдаравіч:

Мой добры дружа, мой Яфрэм,
Як шмат у нас заўсёды тэм
Для добрых гутарак сяброўскіх
З гісторый мінскіх і маскоўскіх,
З прыгод шчаслівых і няшчасных,
З падзей мінулых і сучасных!..

Блакнот удзельніка сесіі ААН П.Ф. Глебкі. У складзе беларускай дэлегацыі Пятро Глебка чатыры разы прымаў удзел у рабоце сесій Генеральнай Асамблеі Арганізацыі Аб'яднаных Нацый (1955, 1956, 1957, 1964 гады). Уражанні ад амерыканскага ладу жыцця знайшлі адлюстраванне ў яго дзённікавых запісах і паэтычным цыкле, які ў пасмяротным выданні атрымаў назву “З вершаў аб заграніцы”.

Акуляры Глебкі
Акуляры, якія, па ўспамінах дачкі, належалі самому акадэміку.

Пейзаж Кактэбеля. Падарунак Глебку ад Яўгена Яўстахавіча Красоўскага (1908 – 1980) – беларускага мастака, жывапісца і графіка. Красоўскі працаваў у жанры партрэта і пейзажнага жывапісу. У ліку іншых мастакоў прапаноўваў Глебку свой праект экслібрыса для ягонай бібліятэкі. На адваротным баку карціны надпіс: “П.Ф. Глебке от Красовского Е.Е в 6-ой день июля 1965 года в славный день юбилея. «Коктабейль»”.

Падарункі. У нашых фондах захоўваюцца самыя розныя падарункі, якія на працягу жыцця атрымліваў Пётр Фёдаравіч. Карціны, малюнкі, прадметы дэкору, сервізы – усё гэта набліжае нас да эпохі 1940–1960-х. Акадэмік атрымліваў падарункі не толькі ад сяброў і арганізацый, але і ад удзячных чытачоў, школьнікаў, прыхільнікаў ягонай творчасці.